शिवनेरी किल्ल्याच्या संवर्धनासाठी २३ कोटींचा निधी मंजूर

NewsZenn Jan 29, 2021 896 0

छत्रपती शिवरायांचे जन्मस्थान असलेल्या जुन्नर (जि. पुणे) येथील शिवनेरी किल्ल्याचे संवर्धन, सुशोभीकरण आणि पर्यटनदृष्टय़ा विकास करण्यासाठी २३ कोटी रुपयांचा निधी मंजूर करण्यात आला असून त्यास प्रशासकीय मान्यता देण्यात आल्याची माहिती पर्यटनमंत्री आदित्य ठाकरे यांनी दिली.

छत्रपती शिवाजी महाराजांचे कार्य संपूर्ण जगासाठी प्रेरणादायी आहे. त्यामुळे त्यांच्याशी संबंधित गडकिल्ल्यांचे जतन, संवर्धन आणि त्यांचा पर्यटनदृष्टय़ा विकास करण्यासाठी शासनाने पुढाकार घेतला आहे. याचाच एक भाग म्हणून शिवरायांचे जन्मस्थान असलेल्या शिवनेरी गडकिल्ल्याचे जतन, संवर्धन, सुशोभीकरण आणि या परिसराचा पर्यटनदृष्टय़ा विकास करण्यात येणार आहे, असे आदित्य ठाकरे यांनी सांगितले.